आइतबार ३१ आश्विन २०७८

मेष ( चु, चे, चो, ला, लि, लु, ले, लो, अ )
यो साता धन हात पर्ने र भौतिक सुख मिल्नेछ । राजनीतिक कार्यमा ख्याति कमाउने योग छ । महत्त्वपूर्ण कामको जिम्मेवारी आइलाग्नसक्छ । साताको अन्त्यमा शेयर बजार तथा व्यवसायमा नोक्सानी बेहोर्नु पर्ला ।

वृष ( इ, उ, ए, ओ, वा, वि, वु, वे, वो )
यो सातामा शुभकार्यको चर्चा चल्ने र नयाँ कार्यको योजना बन्नेछ । प्राविधिक कार्यमा सफलता मिल्नेछ । पुरानो र बिर्सिसकेको साथीको सम्झना आउनेछ । परिश्रम अनुसार उपलब्धि पनि राम्रै पाइनेछ । महत्त्वपूर्ण कामको जिम्मेवारी आइलाग्न सक्छ ।

मिथुन ( का, कि, कु, घ, ङ, छ, के, को, हा )
यो साता शुभकार्यमा सरिक भइनेछ । एउटै कामबाट दोहोरो लाभ मिल्न सक्छ । पारिवारिक जीवन र प्रणय सम्बन्धमा पनि सकारात्मकता नै रहनेछ । मध्य सातामा प्रेममा बाधाका साथै मन कमजोर रहला । आज आर्थिक कारोबारमा विवाद बढ्नेछ ।

कर्कट ( हि, हु, हे, हो, डा, डि, डु, डे, डो )
यो सातामा रोकिएका काम पुनः सुरु हुन सक्छन् । आज आकस्मिक धन लाभ हुन सक्छ । नयाँ ज्ञान सिक्ने मौका पनि मिल्नेछ । प्रेम प्रसङ्गमा रमाइलोपन आउनेछ । सन्तानबाट सहयोग मिल्नेछ । कृषि क्षेत्रको काम अघि बढ्नेछ ।

सिंह ( मा, मि, मु, मे, मो, टा, टि, टु, टे )
यो साता आफूसँग भएको क्षमता प्रदर्शन गर्ने अवसर जुट्ला । नयाँ वस्त्र, अलङ्कारको प्राप्ति हुनेछ । इच्छा र आकाङ्क्षा पूर्ण हुनेछन् । कृषि क्षेत्रबाट सफलता मिल्नेछ । कला र गलाको प्रभाव बढ्नेछ । मनोरञ्जनमा सहभागिता भइएला ।

कन्या ( टो, पा, पि, पु, ष, ण, ठ, पे, पो )
यो साता बेसुरमा वचन दिने बानीले अप्ठ्यारो पार्न सक्छ । कार्यक्षेत्रमा अरुले गरेका भनेका कुरा चित्त नबुझला । माल सामान हराउन सक्छ, होसियार रहनु पर्छ । मध्य सातामा विद्या र बुद्धिको विकास हुनेछ । विभिन्न कार्यक्रममा नेतृत्वदायक भूमिका निर्वाह गर्न पाइनेछ ।

तुला ( रा, रि, रु, रे, रो, ता, ति, तु, ते )
यो सातामा दिनहरू भाग्यशाली भएर देखा पर्नेछ । लगनशीलताले कामहरू अगाडि बढ्नेछन् । सहयोग गर्ने र आश्वासन बाढ्नेहरु धेरै भेटिनेछन् । व्यावसायिक योजनाको सम्भावना पनि छ । हरियो रङ्गको पहिरनले चुनौतीबाट मुक्त हुन सहयोग पुर्‍याउनेछ ।

वृश्चिक ( तो, ना, नि, नु, ने, नो, या, यि, यु )
यो साता धार्मिक तथा समाज सेवामा मन लाग्नेछ । घरमा अतिथिको आगमन हुनेछ । आफन्तको सल्लाह, सहयोग र हौसला पाईनेछ । साताको मध्यमा दबाब र तनाव बढेको महसुस हुनेछ । ताके अनुरूप काम नबन्नाले दिक्क लाग्नेछ ।

धनु ( ये, यो, भा, भि, भु, धा, फा, ढा, भे )
यो हप्ता शुभ समाचार सुन्न पाइएला । आफ्नै दक्षतामा विभिन्न कार्यहरू सम्पन्न हुनेछन् । समाजमा प्रभाव पार्न सकिनेछ । धार्मिक तथा समाजसेवामा मन लाग्नेछ । प्रेमिले नयाँ प्रस्ताव राख्न सक्छन् । वैदेशिक क्षेत्रको काम पनि विस्तारै अघि बढ्नेछ ।

मकर ( भो,जा,जि,जु,जे,जो,ख,खि,खु,खे,खो,गा,गि )
यो हप्तामा गरेको कार्यमा अवरोध आउला । सामान हराउने वा चोरी हुने भयछ । दैनिक व्यवहारमा खर्च बढ्न सक्छ । चुनौतीको सामना गरी गलत निर्णय लिन पुगिएला सचेत रहनुहोला । साताको मध्यबाट छोटो समयमा विशेष उपलब्धि हासिल गर्न सकिनेछ ।

कुम्भ ( गु, गे, गो, सा, सि, सु, से, सो, दा )
यो सातामा मनको डरले सताए पनि व्यवहारमा फाइदा हुनेछ । नसोचेको ठाउँबाट धन हात पर्न सक्छ । प्राविधिक कार्यमा सफलता मिल्नेछ । रोकिएका काम पुनः सुरु हुन सक्छन् । मध्य सातामा जिद्दीपना बढ्न सक्छ । विचार पुर्याएर निर्णय लिनु राम्रो होला ।

मीन ( दि, दु, थ, झ, ञ, दे, दो, चा, चि )
यो साता बढी मिहनेतले बढी फाईदा मिल्नेछ । आम्दानी बढ्ने र उठ्नु पर्ने रकम हातलागी हुने समय छ । विशिष्ट व्यक्तिबाट हौसला प्राप्त हुनेछ । मनोरञ्जन पनि होला । साताको अन्त्यमा महत्वपूर्ण अवसर गुम्न सक्नेछ । यात्रामा सावधानी अपनाउनु पर्नेछ । (अधिक जानकारीका लागि 977-9849559502)

१३२ पटक हेरिएको

तपाईको प्रतिक्रिया