Wednesday, January 27

सावधान ! सुर्तीजन्य सेवन गर्ने मानिसहरुलाई जोखिम कोरोना सर्न सक्ने र मृत्युको सम्भावना बढी हुन्छ – विश्व स्वास्थ्य संगठन

July 25, 2020 233

गत मार्चमा विश्व स्वास्थ्य संगठन (डब्ल्यूएचओ) ले कोरोना (कोभिड–१९) संक्रमणको ‘उच्च जोखिम समूह’ घोषणा गर्दै सचेत रहन आग्रह गरेको थियो । जसमा सुर्तीजन्य पदार्थ सेवन गर्ने मानिस पनि कोरोनाको जोखिम समूहमा थिए ।

सुर्तीजन्य सेवन प्रयोग गर्ने मानिसहरुलाई चेतावनी दिँदै डब्ल्यूएचओले भनेको थियो, ‘दीर्घरोगी र ६० वर्ष माथिका मानिस, जस्तै– सुर्तीजन्य पदार्थ सेवन गर्ने मानिसलाई पनि संक्रमणको जोखिम उच्च हुन्छ, अन्य मानिसभन्दा उनीहरु बढी सचेत हुनुपर्छ ।’

डब्ल्यूएचओका अनुसार धूमपानका कारण हरेक वर्ष विश्वभरि करिब ८० लाख जनाको मृत्यु हुने गर्छ । धूमपानको कारण निम्तिएको रोग भएको मान्छेमा कोभिडले धेरै क्षति गर्ने विभिन्न अध्ययनहरुले प्रमाणित गरेका छन् ।

नेपालमा भएका ८० प्रतिशतभन्दा बढी मृत्यु पनि त्यस्तै देखिन्छ । अर्थात कुनै न कुनै दीर्घरोग झेलिरहेका मानिसहरु नै कोभिडको कारण मरिरहेका छन् ।

सरुवा रोग विशेषज्ञ डा. शेरबहादुर पुनका अनुसार धूमपान गर्नेको रोग प्रतिरोधात्मक शक्ति कम हुन्छ । चुरोट सेवनले रोग प्रतिरोधात्मक कोषिकालाई दबाउने र निष्क्रिय बनाउनुका साथै फोक्सोका कोषिकाहरूमा असर पार्छ ।

११ हजार ९० जना कोभिड बिरामीमा गरिएको एक अनुसन्धानका अनुसार भर्खरै धूमपान गर्न सुरु गरेकाहरुलाई भन्दा लामो समयदेखि धूमपान गर्नेहरु ज्यादा सिकिस्त भएको देखियो
‘कोरोना संक्रमण हुँदा प्रत्यक्ष असर हुने भनेको रोग प्रतिरोधात्मक क्षमतामा हो, शरीरमा भाइरसको प्रवेश गरेपछि मानिसको कोषिकाहरु ड्यामेज गर्छ,’ डाक्टर पुनले भने, ‘सुर्ती सेवन गरेर कमजोर बनेको मानिसको रोग प्रतिरोधात्मक क्षमता भाइरसले झन् कमजोर बनाउँछ र मानिसको मल्टी अर्गान फेल हुन सक्छ ।’

छाती सम्बन्धी डाक्टर सन्त कुमार दासका अनुसार धूमपान नगर्नेभन्दा गर्ने व्यक्तिमा श्वासप्रश्वासको समस्या बढी देखिन्छ । क्षयरोग र ब्याक्टेरियल निमोनियाको खतरा पनि धूमपान गर्नेहरूमै बढी देखिन्छ । उनीहरूमा हैजाजस्ता रोगको सम्भावना अरूको तुलनामा करिब दुई गुणाभन्दा बढी हुन्छ ।

‘श्वासप्रश्वास र निमोनिया भएकाहरुमा भाइरसले चाडो संक्रमण गरेर गलाउनु सामान्य हो,’ डा. दास भन्छन्, ‘कोरोना भाइरसले विशेषगरी श्वासप्रस्वासमा आक्रमण गर्ने भएकाले पनि यो भाइरसको संक्रमण छातीको समस्या भएकाहरुलाई काल नै हो ।’

डाक्टर दासले भनेजस्तै नेपालमा कोरोना भाइरसको संक्रमण पुष्टि भएर मृत्यु भएका ६० प्रतिशतभन्दा बढी छातीको रोगी छन् । २० प्रतिशत अन्य दीर्घरोगी र बाँकी २० प्रतिशत अन्य किसिमका बिरामीहरु रहेका छन् ।

चीनमा कोरोना संक्रमितमा गरिएको एक अध्ययनअनुसार गम्भीर असर देखिएकाले आइसीयू र भेन्टिलेटरमा राख्नु परेका धेरै व्यक्तिको पृष्ठभूमि धूमपान गर्ने थियो । अन्य व्यक्तिलाई भन्दा धूमपान सेवन गर्ने व्यक्ति भाइरसबाट बढी पीडित थिए ।

गत मेमा सनफ्रान्सिस्कोका ११ हजार ९० जना कोभिड बिरामीमा गरिएको एक अनुसन्धानका अनुसार भर्खरै धूमपान गर्न सुरु गरेकाहरुलाई भन्दा लामो समयदेखि धूमपान गर्नेहरु ज्यादा सिकिस्त भएको देखियो । त्यसैगरी धूमपान नगर्नेभन्दा धूमपान गर्नेहरुको संक्रमण र मृत्यु दोब्बर भयो ।

उक्त अध्ययनले भनेको छ, ‘ज्यादा सुर्तीजन्य पदार्थ सेवन गर्ने समाजमा कोरोना संक्रमणको महामारी नियन्त्रण गर्न गाह्रो हुन्छ।

अध्ययनको अनुसार भाइरसले श्वासप्रश्वासमा आक्रमण गर्छ । धूमपानले पनि श्वासप्रश्वास प्रणालीलाई नै कमजोर बनाउँछ । त्यसैले, धूमपान गर्ने व्यक्तिमा कोरोनाको प्रतिकूल असर पर्ने गरेको हो । मुटु रोग र क्यान्सरको जड पनि धूमपान हो । ती दुवै प्रकारका रोगी कोरोना संक्रमणको उच्च जोखिममा छन् ।

‘चुरोट सेवनले रोग प्रतिरोधात्मक कोषिकालाई निष्क्रिय मात्र पार्दैन, फोक्सोका कोषिकालाई पनि हानी गर्छ,’ अध्ययनले भनेको छ, ‘हाम्रो शरीरमा ‘एन्जियोटेन्सिन कन्भर्टिङ इन्जाइम टु रिसेप्टार’ नामक प्रोटिन हुन्छ, जुन श्वासप्रश्वास नलीको कोषिकाको सतहमा पाइन्छ । कोरोनाले यही सतहमा रहेर मात्र भाइरस पैदा गर्न र फैलाउन सक्छ ।’

अध्ययनका अनुसार धूमपानले ‘एन्जियोटेन्सिन कन्भर्टिङ इन्जाइम टु रिसेप्टार’लाई बढाउँछ । जसले गर्दा, कोरोना भाइरस फैलिन अझ बढी मद्दत पुग्छ ।

विश्वभर भएका विभिन्न अध्ययनको साझा निष्कर्ष भनेको धूमपान सेवन गर्ने मानिसमा कोभिड १९ ले गर्ने क्षति अन्य मानिसमाभन्दा दोब्बर हुन्छ । त्यसैगरी धूमपान सेवन गर्नेहरुमा कोभिडको लक्षण ज्यादा देखिने, आईसीयूमा बस्नु पर्ने र मृत्यु हुने सम्भावना धेरै हुन्छ ।

गर्मीमा स्वास्थ्यलाई फाइदा गर्ने उपयोगी तरकारी

गर्मी मौसममा खानपानमा अलिकता लापरवाहीले पनि बिरामी पर्ने सम्भावना हुन्छ । जाडो मौसमको तुलनामा गर्मीमा पाचन शक्ति कमजोर हुन्छ । यस्तो बेला बढी तारेको या मसालायुक्त खाना धेरै खानुहुँदैंन । फुड प्वाइजनको समस्या हुने पनि यही मौसममा हो । त्यसैले यो मौसममा हल्का या सजिलै पच्ने खालको खाना खानुपर्छ । गर्मीमा यी तरकारी खानु उपयोगी मानिन्छ ।

१. लौका

लौकामा करिब ९६ प्रतिशत पानी हुन्छ । सलादमा काँक्रोले काम गरेजस्तै यसले तरकारीमा पनि त्यस्तै काम गर्छ । लौका चिसो खालको तरकारी हो । यसले कलेजो स्वस्थ राख्न मद्धत गर्छ । क्यालोरी कम हुने भएकाले सजिलै पचाउन सकिन्छ । गर्मी मौसममा यसले पेट सफा पार्छ । ग्यास बन्न दिँदैंन । फाइबर पनि हुने हुनाले अल्सर, पायल्स र ग्यास्ट्रिकका रोगीका लागि लाभदायी हुन्छ ।

२. प्याज

गर्मी मौसममा प्याज वरदान नै हो । यसमा भिटामिन सी, भिटामिन बी ६ र म्याङगनिजको मात्रा भरपूर हुन्छ । यसका अलावा क्याल्सियम, आइरन, फोलेट, म्याग्नेसियम, फस्फोरस र पोटासियम पनि पाइन्छ । यसमा क्वेरसेटिन नामक एन्टीअक्सिडेन्ट पनि हुन्छ । यो मौसममा काचो प्याज खानाले लू पनि लाग्दैन । यसलाई तरकारीको रुपमा मात्र नभई काचै सलादका रुपमा खान सकिन्छ ।

३. करेला

स्वादमा तीतो भएपनि करेला स्वास्थ्यका लागि निकै लाभदायी मानिन्छ । यो सजिलै पच्छ । यसमा फस्फोरस पाइने भएकाले कफको समस्या हटाउन पनि मद्धत गर्छ । यसका साथै प्रोटीन, क्याल्सियम, कार्बोहाइड्रेट, फस्फोरस र भिटामिन पाइन्छ । करेलाले पाचनशक्ति मजबूत पार्ने भएकाले भोक पनि जगाउछ । यो चिसो खालको तरकारी भएकाले गर्मी मौसममा उपयोग गर्नु राम्रो मानिन्छ ।

४.हरियो सिमी

हरियो सिमीले पनि शरीरलाई आवश्यक पोषक तत्व प्राप्त हुन्छ । यसमा पर्याप्त मात्रामा भिटामिन ए, सी र बी ६ पाइन्छ । यो फोलिक एसिडको पनि राम्रो स्रोत हो । यसका अलावा क्याल्सियम, सिलिकन, आइरन, म्याङनिज, बिटा क्यारोटिन, पोटासियम र कपर तत्व पनि सिमीमा पाइन्छ । पर्याप्त मात्रामा एन्टीअक्सिडेन्ट पाइने भएकाले पनि यसले शरीरमा रोग प्रतिरोधी क्षमतामा वृद्धि गर्छ । कोशिकाहरुको क्षति ठीक गरी नयाँ कोशिका निर्माण गर्न पनि मद्धत गर्छ ।

५. फर्सी

फर्सी खनिज तत्वले भरपूर हुन्छ । यसले शरीरबाट विषाक्त पदार्थ बाहिर निकाल्छ भने एसीडीटी हटाउन र तौल कम गर्न मद्धत गर्छ । यसको बियाँले प्रोस्टेट क्यान्सरका बिरामीलाई फाइदा पुग्छ । यसमा आइरन, म्याग्नेसियम, सेलेनियम र फस्फोरस हुन्छ । गर्मी मौसममा पेट गडबड हुनेहरुका लागि यो निकै राम्रो खाद्यपदार्थ हो ।

६. गोलभेंडा

दिनुहँ एउटा गोलभेंडा खाने हो भने धेरै खालका रोगबाट बच्न सकिन्छ । यसमा भिटामिन ए र सी, फोलेट, पोटासियम, फाइबर र सबै खालका एन्टी अक्सिडेन्ट पाइन्छ । गोलभेंडा खानाले शरीरको रोगप्रतिरोधी क्षमता मजबूत हुन्छ भने रक्तचाप पनि नियन्त्रणमा आउँछ । त्यसैले मुटुका रोगीका लागि यो निकै उपयोगी मानिन्छ ।

कुरिलो खादाका फाइदाहरु

कुरिलो एक औषधिजन्य वनस्पति हो । आयुर्वेदमा यसलाई बुध्दिबर्धक, अग्नीबर्धक, बात, पित्त,शोक अनि शुक्र दुर्वलता निवारक, मानिन्छ । खास गरि यसको जरा लाई विभिन्न रोगहरुमा अत्यन्त लाभकारी औषधी को रूपमा प्रयोग गरिन्छ ।

स्त्रीहरुको रक्त प्रदर, स्वेतप्रदर तथा महिनावारी गडबडी र स्तन जन्य रोग र स्त्री पुरुष दुबैमा यौन दुर्बलता हटाउन यसको जरा सुकाएर बनाएको चुर्ण प्रत्येक दिन दुध संग सेवन गर्नाले अप्रत्यासित लाभ हुन्छ । यसको कलिलो मुन्टा तरकारीको रूपमा खाइन्छ । कुरिलो स्वास्थ्यका लागि निकै उपयोगी चिज हो । यसको सेवनले शरीरलाई हुने फाइदाहरु यस प्रकारका छन् ।

१. यसको सेवनले शरीरलाई शक्ति दिनुका साथै रक्तपित्त, महिलाहरुको स्तनमा दुधको मात्रा बढाउने, दुर्बलता हटाउन, स्वेतप्रदर तथा महिनावारी गडबडीमा उपयोगी हुन्छ ।

२. यसको जरा सुकाएर धूलो पारेर दूध तथा मनतातो पानीसंग सेवन गर्नाले पुरुषहरुको बिर्य बढाउँछ ।

३. कुरिलोको नियमित सेवनले क्यान्सर रोग लाग्नबाट बचाउँछ साथै क्यान्सर रोगीका लागि फाइदाजनक हुन्छ ।

४. कुरिलोलाई तरकारी बनाएर तथा यसको सुप बनाएर खानाले शरीर दुखेको निको हुन्छ ।

५. यसलाई विभिन्न रोगहरुमा अत्यन्त लाभकारी औषधीको रूपमा प्रयोग गरिन्छ, यसमा प्रशस्त मात्रामा भिटामिन, प्रोटीनका साथै बिभिन्न पौष्टिक तत्व पाइन्छ ।

के तपाईंको बच्चालाई कुनै खाने कुरा दिँदा चिलाउने डाबर आएको छ? खाने कुराले गर्दा सास फेर्न गाह्रो हुने वा बेहोस हुने जस्ता गम्भीर समस्या देखिएको छ? अनि तपाईंले कुनै खानेकुरा एलर्जी हुन्छ भनेर बार्ने गर्नु भएको छ?

धेरै जसो मानिसमा एलर्जी हुने खानेकुरामा बदाम पर्छ। त्यस्तै दूध वा दूधबाट बन्ने परिकारले पनि बच्चाहरुमा एलर्जी हुनसक्छ। अन्डा, माछा, मासु, गहुँ, भटमास आदि साधारणतया एलर्जी गराउने खानेकुरामा पर्छन्। कतिपय तयारी खानेकुरामा भएको कुनै पदार्थको एलर्जी भएर त्यो खाना खाने बित्तिकै असर देखिने पनि हुन्छ।

बच्चामा कुन कुन खाने कुराले एलर्जी गर्छ भन्ने थाहा भयो भने साबधानी अपनाउन सकिन्छ। त्यस्तै एलर्जी भइहालेमा के गर्ने भन्ने थाहा पाउनु पर्छ। एलर्जी हुने खाने कुरा हटाएर बच्चाको पोषण कसरी सन्तुलित बनाउने भन्ने कुरामा पनि त्यसले सहयोग गर्छ।

खानेकुराको एलर्जी धेरै जनालाई हुन्छ। अमेरिकाको तथ्यांक हेर्ने हो भने अठार वर्ष मुनिका प्रत्येक तेह्र जना बालबालिकामध्ये एक जनालाई कुनै न कुनै खानेकुराको एलर्जी देखिएको थियो। बयस्कको तुलनामा बच्चाहरुमा एलर्जी बढी देखिन्छ।

खाना वा कुनै कुराको एलर्जी हुनु भनेको शरीरको प्रतिरक्षा प्रणालीले उक्त पदार्थलाई किटाणु जस्तै बाहिरी वस्तु ठानेर त्यस बिरुद्द अस्वाभाविक प्रतिक्रिया दिनु हो। तर उक्त प्रतिक्रियाले गर्दा आफ्नै शरीरलाई नै हानी पुग्दछ। उदाहरणका लागि, तपाईंको हातमा एउटा झिंगा बस्यो भने स्वाभाविक रुपमा तपाईं अर्को हातले हानेर भगाउन खोज्नु हुन्छ।

मानौं तपाईंले त्यो झिंगा मार्न चक्कुले हातमा बसिराखेको झिँगामाथि प्रहार गर्नुभयो। त्यस्तो अस्वाभाविक प्रतिक्रियले तपाईंको हातमा चोट पुग्छ। कुनै खानेकुरा खाँदा शरीरले विभिन्न लक्षण आउने गरी अस्वाभाविक प्रतिक्रिया गर्‍यो भने त्यो खानेकुरासँग एलर्जी रहेछ भन्ने बुझ्नुपर्छ।

एलर्जी हुने खाने कुरा जब अर्को पटक शरीरमा पुग्छ, पहिलो पटक खाँदा शरीरले बनाइ राखेको बिशेष प्रकारको एन्टीबडी तुरुन्तै सक्रिय भैइहाल्छ। त्यो खानेकुरा आफ्नो शत्रु हो जस्तो गरी शरीरले प्रतिक्रिया स्वरूप ‘हिस्टामिन’ नामको रसायन निकाल्छ जसले गर्दा विभिन्न खालका असर देखिन्छ। त्यस्तो असर खाना खाँदा वा कहिलेकाँही खानाले छुँदा वा सुंग्धा मात्रै पनि ५ मिनेट देखि एक घण्टा भित्रमा देखिन्छ।

एलर्जीका लक्षणहरु साधारणदेखि गम्भीरसम्म हुन्छन् र व्यक्ति व्यक्तिमा फरक हुन सक्छन्। एउटा व्यक्तिमा पनि एउटै खानेकुराको एलर्जीको लक्षण फरक फरक हुन सक्छ।

छालामा चिलाउने राता उठेका डाबर देखिनु एलर्जी हुँदा सबैभन्दा सामान्य र धेरै देखिने लक्षण हो। कहिलेकाही डाबरसँगै ओठ, जिब्रो, हात, खुट्टा सुन्निने, पेट दुख्ने, वान्ता हुने, पखाला लाग्ने पनि हुन्छ। स्वसप्रस्वासमा असर गर्दा खोकी लाग्ने, सास फेर्न गाह्रो हुने, घ्यार-घ्यार हुनेहुन्छ। आँखा रातो हुने र चिलाउने, नाक बग्ने, घाटी खसखस हुने पनि एलर्जी कै लक्षण हुन्।

यी साधारण असरबाहेक कहिलेकाही बेहोस भएर ढल्ने, सास फेर्न गाह्रो हुने, सास फेर्दा आवाज आउने, सुन्निने, रक्तचाप कम हुने जस्ता गम्भीर असर पनि देखिन्छन् ‘येनाफाईल्याक्सिस’ भनिने एस्तो गम्भीर खालको एलर्जीको तुरुन्तै उपयुक्त उपचार गर्न नसक्दा ज्यान पनि जान सक्छ।

कुनै खानेकुरा खाएपछि देखिने असर सबै एलर्जी नै हो भन्न पनि मिल्दैन। कहिलेकाँही विषाक्त खानेकुराले ज्वरो आउने, झाडा पखाला हुने, पेट फुल्ने जस्ता लक्षण देखिन्छन् भने कहिलेकाँही पेट पोल्ने वा ढुस्स हुने, बढी पाद आउने, दिसा पातलो वा नपचे जस्तो हुने हुन्छ। यी प्रतिरक्षा प्रणालीसंग सम्बन्धित हुदैनन् र धेरै जसो घातक पनि हुदैनन्।

यदि तपाईंलाई आफ्नो बच्चाको कुनै खानेकुरासंग एलर्जी छ जस्तो लाग्छ भने डाक्टरसँग सम्पर्क गर्नुहोस्। डाक्टरसँगको भेटमा बच्चालाई कुन कुन खानेकुरा दिदाँ कति बेरपछि र कति पटक कस्तो खालको लक्षण देखिएको हो र सकेसम्म त्यो खानेकुरामा के के कुरा मिसाइएको छ भन्ने विवरणसहितको डायरी साथमा भयो भने समस्या पत्ता लगाउन सजिलो हुन्छ।

परिवारमा कसैलाई कुनै खालको एलर्जी छ भने बच्चाको उक्त लक्षण एलर्जी हुने सम्भावना बढी हुन्छ। डाक्टरले तपाईंको बच्चामा देखिएको लक्षण खानेकुराको एलर्जी नै हो वा अरु केही हो भनेर पत्ता लगाउन थप जाँच गर्न सक्छन्।

एलर्जीको लागि गर्न सकिने बिशेष जाँच भनेको छालामा सम्भावित एलर्जी गराउने कुराको प्रवेश गराउदा कत्रो डाबर आउँछ भनेर हेर्ने परीक्षण हो। यो भन्दा अलि कम प्रभावकारी जाँच चाहिँ रगतमा एलर्जी गराउने शंकास्पद खाना बिरुद्द शरीरले बनाएको बिशेष खालको रसायनको मात्रा परिक्षण गर्नु हो।

यी जाँचहरु महँगा मात्र हैन, नेपालमा सजिलै उपलब्ध पनि छैनन्। अर्को कुरा एलर्जी हुन सक्ने खानेकुरा चिन्न केही सहयोगी भए पनि यी जाँच धेरै उपयोगी नहुन पनि सक्छन् र एसको सहि विश्लेषण गर्न र उपचारमा सहयोगी हुनको लागि यसको नतिजालाई लक्षणसंग तुलना गरेर हेर्नुपर्ने हुन्छ।

एलर्जीका विज्ञहरुले उपयुक्त स्थानमा होशियारी पूर्वक एलर्जी हुने शंका भएको खानेकुरा खुवाएर लक्षण देखिन्छ कि देखिदैन भनेर हेर्ने गर्छन्। यो बिधि कहिलेकाँही कुनै खाने कुराको एलर्जी छ छैन भनेर पत्ता लगाउन प्रयोग गरिए पनि धेरै जसो एलर्जी छ भनेर चिनिएको खानेकुरामा अझैसम्म एलर्जी हुन्छ की हुन्न भनेर पत्ता लगाउन प्रयोग गरिन्छ। किनकि कहिलेकाही एलर्जी हराएर पनि जाने हुन्छ।

खानेकुराको एलर्जी पूर्णतया निको पार्ने कुनै औषधि हुंदैन। यदि कुनै खानेकुराको एलर्जी छ भन्ने निर्क्योल भएमा त्यसलाई पूर्णरुपले बार्नु नै यसको समाधान हो। तर एलर्जीको लक्षण औषधी प्रयोग गरेर नियन्त्रण गर्न भने सकिन्छ। यसको लागि डाक्टरको सल्लाहमा औषधी खुवाउनु पर्छ। साधारण लक्षणहरु केही दिनमा हराएर जान्छन्।

गम्भीर प्रकारको एलर्जीको लागि भने सुइबाट औषधी दिनुपर्ने हुन्छ। यस्ता लक्षण देखियो भने तुरुन्त अस्पताल लैजानु पर्छ। येड्रीनालिन नामको औषधि बिरामी, अभिभावक वा शिक्षक आफैंले प्रयोग गर्न सक्ने खालको सुइमा पनि आउँछ जुन गम्भीर एलर्जी हुने बिरामीलाई कहिले र कसरी प्रयोग गर्ने भनेर डाक्टरले सिकाए बमोजिम प्रयोग गर्नु पर्ने हुन्छ।

त्यस्तो अवस्थामा तुरुन्त उपचार नगरे ज्यान जान सक्ने भएकोले आफैंले उक्त औषधि लगाएर तुरुन्त अस्पताल लैजानु पर्छ। दुर्भाग्यवश त्यस्तो सुविधा नेपालमा सहज छैन। कम्तिमा चारदेखि छ घण्टासम्म त्यस्ता बिरामी स्वास्थ्यकर्मीको निगरानीमा हुन जरुरी छ किनकि लक्षण फेरि पनि देखिन सक्छ।

कुनै खानेकुराको गम्भीर एलर्जी पहिला भएको छ भने उक्त कुरा खुल्ने खालको कार्ड वा ब्रासलेट साथमा राखिदिनु पर्छ र घर बाहिर खाना खानु पर्ने भएमा खाना बनाउने ठाउँमा कुन कुन कुराको एलर्जी छ भन्ने जानकारी दिन जरुरी हुन्छ।

खानेकुराको एलर्जी साधारणदेखि प्राणघातकसम्म हुने भएकाले तपाईं वा बच्चालाई यस्तो एलर्जी छ भने डाक्टरसँग सल्लाह गरेर उपयुक्त योजना बनाउन र त्यसमा अडिग रहन निकै महत्वपुर्ण हुन्छ।

नोट: माथि उल्लेखित स्वास्थ्य सम्बन्धी जानकारीहरु विभिन्न अनलाइन तथा पत्र-पत्रिकाहरुबाट साभार गरिएको हो । मानिसको शारिरिक अवस्था र समय अनुसार पनि माथि उल्लेखित कुराहरुको उपलब्धी फरक पर्छ । सम्पुर्णरुपमा यहि कुरामा मात्रै भर नपर्नुहोला । माथि उल्लेखित कुराहरु प्रयोग गर्दा तपाईको स्वास्थ्यमा थप खराबी देखिए, कृपया तुरुन्त रोकेर स्वास्थ्यकर्मीहरुसँग सल्लाह लिनुहोस् ।

साथै तपाईलाई यो जानकारी कस्तो लाग्यो ? हाम्रो जानकारीहरु अरुलाई पनि देखाउन कृपया सेयर गर्नुहोला । तपाइको एक सेयरले थाहा नभएकाहरुले ज्ञान पाउछन भने हामीलाई पनि सहयोग मिल्नेछ ।

प्रतिकृया दिनुहोस्