सोमबार १३ मंसिर २०७८

काठमाडौं । नेपाली गीतबाट भाग्य चम्किएका भारतीय गायक उदित नारायणले दशकदेखि सयौं सुपरहिट गीतहरू गाइरहेका छन् । उनी आफ्नो सुमधुर आवाज बलिउडमा फैलाइरहेका छन्। नेपाली बाहेक उनले हिन्दी, तमिल, मलयालम, कन्नड, भोजपुरी र बंगाली भाषाहरूमा पनि गीत गाएका छन्।

उनले चार पटक भारतीय राष्ट्रिय पुरस्कार जितेका छन् । उदित नारायणको जन्म १ डिसेम्बर १९५५ मा भएको थियो। धेरै मानिसहरूलाई थाहा नहुन सक्छ उदित नारायणले दुई विवाह गरेका छन् । उनले आफैंले वर्षौंसम्म सो कुरालाई लुकाए।

उदित नारायणको पूरा नाम उदित नारायण झा हो। उनको जन्म बिहारको सुपौल जिल्लामा भएको थियो। उनको नेपालसँग घनिष्ट सम्बन्ध छ। उनले आफ्नो फिल्म करियर नेपाली फिल्मबाट शुरू गरे। यस फिल्मको नाम ‘सिन्दूर’ थियो।

करीव १० बर्षको संघर्ष पछि उदित नारायणले बलिउडमा पहिलो सुपरहिट गीत दिए, जसले उनको भाग्य परिवर्तन गर्‍यो। यो गीत फिल्म ‘कयामत से कयामत तक’, बाट ‘पापा कहेता बडा नाम करेगा’ बोलको थियो । यो गीत आमिर खानका लागि गाइएको थियो। उदित नारायणले यस गीतपछि धेरै अफर पाए।

सन् २००६ मा रञ्जना नारायणले उदीत नारायण उनको पति भएको दावी गरिन्। तर उदितले यसलाई अस्वीकार गरे। त्यसपछि रञ्जना अदालतमा पुगिन्। उनले विवाहको तस्विर र कागजातहरू देखाएपछि उदित विवाहमा राजी भए। यसपछि अदालतले दुबै श्रीमतिहरूलाई सँगै राख्न उदितलाई आदेश दिएको थियो।

tufanmedia

३१ पटक हेरिएको

तपाईको प्रतिक्रिया