Saturday, October 24

बाढी पहिरो पीडितलाई राहत लिएर पल शाह कालिकोट तर्फ…….

August 20, 2020 44

काठमाडौ । सरकारले लकडाउनको घोषणा गरेसंगै आफ्ना क्षेत्रका मजदुरहरुलाई सहयोग गर्ने घोषणा गरेका नायक पल यतिबेला दुर्गम पहाडी जिल्ला पुगेका छन् । कलाकारितामा जति सफल छन् उनी त्यतीनै सामाजिक काममा पनि आफुलाई सकृय राख्ने प्रयास गरिरहेका छन् । लकडाउनका समयमा उनले चलचित्र क्षेत्रका मजदुरहरुलाई ५ लाख रुपैया बराबरको सहयोग घोषणा गरेर घरघरमा पुगेर दिएका थिए ।* भिडियो हेर्न तलको लिन्कमा क्लिक गर्नुहोस ***

उनले खाद्यान्न सामग्री लगायतका बस्तु लिएर चलचित्र मजदुरको घरमै पुगेर दिएका थिए । उनले चलचित्र संगसंगै म्यूजिक भिडियोमा पनि आफ्नो करियर राम्रो बनाउँदै लगेका छन् । सामाजिक काममा पनि सकृय हुने पल अहिले धेरेका सहयोगी बनेका छन् । लकडाउनका कारण समस्यामा परेकाहरुलाई सहयोग गर्न यतिबेला उनी कालिकोट पुगेका छन् । लकडाउन खुलेपछि म्युजिक भिडियोमा काम थालेका पल फेरी कडा लकडाउन भएपछि कालिकोट लागेका हुन् ।

कालिकोटमा यसै साता गएको बाढी पहिरोका कारण ठूलो जनधनको नोक्सान भएको खबर सुनेपछि उनी त्यस तर्फ लागेका छन् । पलले उनीहरुका लागि खाद्यान्न, लत्ता कपडा लगायत सहयोग लिएर गएका छन् । पल शाह प्रतिष्ठान र उनको समुहमा रहेकाहरुले कालिकोटमा विपदमा परेकाहरुलाई सहयोग गर्ने उनले बताएका छन् । उनले ४० घर परिवारलाई सहयोग गर्ने योजना बनाएको जानकारी दिएका छन् । कालिकोटका ४० घर परिवारलाई आधारभुत आवश्यकताका वस्तु सिरक–डसना, खाद्यान्न सामाग्री लगाय वितरण गरिनेछ ।

बाढी पहिरोका कारण समस्यामा परेकाहरुलाई सहयोग गर्न उनी कालिकोटवाट फेरी अछाम पनि जाने योजना बनाएको बताएका छन् । अछाममा आएको बाढीले ठूलो धनजनको क्षती भएको छ । सामाजिक कार्यमा सक्रिय हुनका लागि उनले ‘पल शाह प्रतिष्ठान’ स्थापना गरेका छन् । प्रतिष्ठान मार्फत उनले सामाजिक काममा सकृय भएर काम गरिरहेका छन् । जसले उनको ब्यवसायीक सफलतालाई पनि सहयोग गरेको छ । यात्रा कालिकोट भन्दै आजको ब्रेकफास्ट कपिलबस्तुको जङ्गलमा लेखेर यो तस्बिर पलले फेसवुक मार्फत सार्वजनिक गरेका छन् ।

प्रतिकृया दिनुहोस्