शनिबार ०४ बैशाख २०७८

काठमाडौं

बहराइनका राजकुमार मोहम्मद हमाद मोहम्मद अल खलीफा सगरमाथा आरोहणका लागी बहराइनी टोलिको नेतृत्व गर्दै सोमबार नेपाल आइपुगेका छन् । उनी

दुई हजार डोज कोरोना भाइरसविरुद्धको खोप लिएर नेपाल आएपछि विवादमा मुछिएका छन् । औषधि व्यवस्था विभागले बराइनका राजकुमारलाई

भाइरसविरुद्धको खोप ल्याउने अनुमति नदिइएको भए पनि उनले खोप ल्याएपछि चेकजाँच सुरु गरेको जानकारी दिएको छ । विभागका अनुसार खोप ल्याउन

पूर्व स्वीकृती आवश्यक पर्छ । उता, लण्डनस्थित बहराइनको दूतावासले राजकुमार मोहम्मदलाई औषधि ल्याउने अनुमति दिइएको भएपनि आशंकाका

कारण उनीमाथि चेकजाँच सुरु भएको बताएको छ । नेपालस्थित बहराइको दूताबासका अनुसार राजकुमार मोहम्मदले ल्याएको उक्त खोप गोरखा जिल्लाको

चुमनुरबी गाउँमा वितरण गरिनेछ । राजकुमार मोहम्मदको भ्रमण व्यवस्थापक सेभेन समिट्स ट्रेकका प्रवक्ता थानेश्वर गुरागाईँले नेपाली सञ्चारमाध्यमलाई

उक्त टोली सात दिनको क्वारेन्टिन बसाइपछि गोरखा जाने र त्यहाँ खोप वितरण गरेपछि सगरमाथा आरोहणका लागि जाने योजना रहेको बताएका छन् ।

कसरी भित्रियो खोप ?

नेपालमा दुई हजार डोज कोरोनाको खोप विनाअनुमति राजकुमार मोहम्मदले कसरी भित्र्याए भन्ने विषयलाई लिएर छलफल सुरु भएको विभागले

जानकारी दिएको छ । औषधि व्यवस्था विभागका प्रवक्ता सन्तोष केसीले भने, “हामीलाई बहराइनका राजकुमार दुई हजार डोज कोरोना खोप लिएर आएका छन्

भन्ने जानकारी आएको छ । यसको विषयमा हामीले छलफल सुरु गरेका छौँ ।” विभागका प्रवक्ता केसीका अनुसार नेपालमा कुनै पनि औषधि ल्याउनका

सरकारको अनुमति लिन जरुरी छ । सरकारलाई औषधि सही तरिकाले भण्डारण भएको समेत जानकारी दिन आवश्यक हुन्छ । नेपालमा माघ २६ गतेदेखि

कोरोनाविरुद्धको खोप कार्यक्रम सुरु भएको छ । प्राथमिकताका आधारमा खोप लगाउने कार्यक्रम अन्तरगत हाल ६५ वर्ष उमेरसमूह माथिका व्यक्तिहरुले खोप लगाइरहेका छन् ।

dailylokmandu

७ पटक हेरिएको

तपाईको प्रतिक्रिया