शुक्रबार ३१ बैशाख २०७८

मानिसको स्वभाव र भाग्य समेत जन्मबारले निर्धारण गर्ने शास्त्रीय मान्यता रहेकोछ । हिन्दु धर्म अनुसार पनि मानिसको जन्म समय, तिथि, बार, स्थान अनुसार उसको ग्रह दशा, भविष्य र भाग्यको निर्धारण हुन्छ । मानिसको आचरण र भाग्य पनि कस्तो हुन्छ त भन्ने कुरा जन्मबार बाट थाहा पाउन सकिने कुरा ज्योतिष विज्ञानले मान्दछ । यसर्थ आईतबार जन्मेका मानिसहरु कस्ता हुन्छन् यहाँ उल्लेख गरिएको छ ।

आईतबार सूर्यको बार हो । जसरी सूर्यको प्रकाशबाट सबै ग्रहहरुले उर्जा लिईरहेका हुन्छन् । यहाँ सम्मकी मानिस,जीवजन्तु,वनस्पती पृथ्वी सबैले सूर्यबाट उर्जा लिईरहेका हुन्छन् । त्यसरी नै आईतबार जन्मने मानिसबाट अरु बार जम्मने मानिसहरुले केहिनकहि लिईरहेका वा आशा गरिरहेका हुन्छन् ।

ग्रहहरुको मन्त्रिमण्डलमा सूर्यलाई राजा मानिन्छ । त्यसैले आईतबार जन्मने मानिसहरु राज्यमा उच्च पोष्ट तथा कार्यकारी पदको प्रतिनिधित्व गरिरहेका हुन्छन् । आईतबार जन्मने मानिसको पितासँगको सम्बन्ध बलियो हुन्छ । रातो रङ,औषधि,उन, गहु,सेतो कागजको व्यापारबाट पनि मनग्गे लाभ लिईरहेका हुन्छन् ।

आइतबार जन्मेका व्यक्तिमा प्रशस्त उर्जा तथा कन्फिडेन्ट पावर प्रशस्त हुन्छ । सकारात्मक सोचकै कारणले जीवनमा प्रगतिपथमा लम्किरहेका हुन्छन् । अरुको भावना तथा संवेदनालाई सजिदै बुझ्ने हुँदा दयालु हुन्छन् तर कहिलेकाही कठोर निर्णय लिन पनि पछि पर्दैनन् । देखेको कुरा भनिहाल्ने र धेरै दिनसम्म मनमा कुरा खेलाएर बस्न नसक्ने स्वभाव हुन्छ । धर्म तथा अध्यात्ममा विशेष राख्ने हुनाले धार्मिक यात्रा गरिरहन्छन् ।

चिन्तन शक्ति निकै धेरै हुने भएका कारण लेखन,राजनीति अथवा वकालतको क्षेत्रमा लागेका हुन्छन् । अरु मानिसलाई सहयोग गर्न सधैँ तत्पर त हुन्छन् तर पनि उनीहरु चाडैँ रिसाउने वा घमण्डी स्वभावका हुन्छन् । राजनीति,व्यापार व्यावसाय गरेर ईज्जत प्रतिष्ठा कमाउने तथा धनवान हुन्छन् । आइतबार जन्मेका व्यक्तिहरु धेरै जसो प्रेम विवाह गर्न रुचाउछन् । आटी शाहसी तथा पराक्रमी भएका कारणले प्राविधिक पेशा व्यावासायमा अम्बल हुन्छन् । विशेष गरेर राजनीति,डाक्टर,पाईलट,विज्ञान तथा प्रविधि क्षेत्रमा जबरजस्त पहुच स्थापित गर्दछन् ।

ज्यो.दुर्गा भण्डारी ।

sudurkhabar

१०३ पटक हेरिएको

तपाईको प्रतिक्रिया