सोमबार २७ बैशाख २०७८

विराटनगरको महेन्द्रचौक स्थित मदर एण्ड चाईल्ड अस्पताल अगाडी भएको सवारी दुर्घटनामा घाइते महिलाको पहिचान खुलेको छैन । उनी बुधबार सवारी दुर्घटना मा परि गम्भिर घाईते भएकी थिइन् ।

विराटनगरको बरगाछीबाट बसपार्कतर्फ आउदै गरेको मे ६ प ३१५२ नम्बरको रातो मोटरसाईकलले ती महिलालाई ठक्कर दिएको थियो । ती महिला अन्दाजी ५५ – ६० बर्ष उमेरकी देखिन्छिन् ।

घाईते महिलालाई मदर एण्ड चाईल्ड अस्पतालको एम्बुलेन्सले तत्काल उद्धारगरी अहिले न्यूरो अस्पताललमा उपचार भईरहेको प्रहरीले जनाएको छ । पहाडीमुलको जस्तो देखिने घाइते महिलाले पहेंलो र रातो कोठे सारी लगाएकी छिन् ।

गम्भिर घाईते भएका कारण उनको अहिले सम्म पहिचान नखुलेकोले उपचारमा समस्या भईरहेको छ । बाँकी परिचय खुल्ने अन्य आधार समेत साथमा फेला नपरेका कारण प्रहरी आफन्तको खोजीमा लागेको छ ।

११० पटक हेरिएको

तपाईको प्रतिक्रिया