Tuesday, October 27

धरान बिपिमा ओपिडी सेवा बुधबार देखि बन्द चिकित्सककै लापरबाहीले कोरोना फैलियो

August 11, 2020 185

धरान । चिकित्सककै लापरबाहीका कारण धरान स्थित बिपि कोइराला स्वास्थ्य बिज्ञान प्रतिष्ठान भित्रै कोरोना संक्रमण फैलिन थाले पछि प्रतिष्ठानले ओपिडी सेवा बन्द गर्ने सुचना जारी गरेको छ । केही दिन अघि प्रतिष्ठानका दुई जना चिकित्सकमा कोरोना संक्रमण देखिएका मध्ये इएनटिका चिकित्सकको परिवारका ३ जनामा कोरोना संक्रमण पुष्टि भए पछि ओपिडी सेवा बन्द गरेको हो ।

बुधबार देखि लागू हुने गरि अर्को सुचना जारी नभए सम्मका लागि ओपोडी सेवा बन्द रहने जनाएको छ । प्रतिष्ठानका सहायक अस्पताल निर्देशक डा. विकास साह द्वारा हस्ताक्षरीत सुचनामा कोरोना संक्रमण फैलन नदिन र रोकथाम तथा नियन्त्रणका लागी ओपिडी सेवा बन्द गरीने उल्लेख छ । संक्रमणको जोखिम क्षेत्र मानिए पनि प्रतिष्ठानका चिकित्सक हरु जथाभावी बाहिर डुल्ने र सुरक्षामा सतर्कता नअपनाउदा प्रतिष्ठान भित्र कोरोनाको संक्रमण फैलिएको चिकित्सकहरु नै बताउछन् ।

koshipatra

प्रतिकृया दिनुहोस्