Saturday, October 24

नेपाल सरकारको आग्रह : कसैको घरमा पाहुना बन्न नजानुस्, पाहुना पनि नबोलाउनुस्’

August 9, 2020 50

काठमाडौं । सरकारले कोरोनाको कहरकाबीच कसैका घरमा पाहुना नबोलाउन र पाहुना बनेर नजान पनि आग्रह गरेको छ । काठमाडौं लगायत मुलुकका केही जिल्लामा कोरोना संक्रमितको संख्या बढ्दै गएपछि सरकारले यस्तो आग्रह गरेको हो । सर्वसाधारणलाई अति आवश्यक काम नपरी घरबाट बाहिर नजान आग्रह गरेको छ ।

“काठमाडौं उपत्यकाजस्तै घनाबस्ती भएका सहरहरुमा कोरोना संक्रमितहरुको संख्या बढिरहेको छ,” स्वास्थ्य मन्त्रालयका प्रवक्ता डा। जागेश्वर गौतमले पत्रकार सम्मेलनमा भने, “कोरोना संक्रमित बढ्दै गए पनि पसल, कार्यालय, सार्वजनिक स्थान, सवारी साधनमा र खासगरी लाइनमा बस्दा कतिपय व्यक्तिहरुले जनस्वास्थ्यका मापदण्ड अपनाएको देखिँदैन ।”

उनले खाद्यान्न, तरकारी र फलफूल पसलमा लापरवाही देखिने गरेको बताएका छन् । नजिकै गएर सामान किन्न हतार गर्ने, भिडभाड बढाउने जस्ता काम भएको र यसले जोखिम बढ्ने उनको भनाई थियो ।

“बिना सावधानी अपनाइ हामी यातायतका साधनमा बसिरहेका छौं,” उनले भने, “पाहुना वा साथीभाइसँग हुहाल गरी चाडपर्व पनि मनाइरहेका छौं । कार्यालयहरुमा अझै पनि बैठक गर्ने, सभा सम्मेलन गर्ने कार्यलाई निरन्तरता दिइएको पाइन्छ । यस्तै स–साना व्यवहारहरु र हतार गर्ने बानीले नै हामीलाई कोरोनाको जोखिममा पारिरहेको छ ।”

घर बाहिर निस्कदा अनिवार्य माक्सको प्रयोग गर्न पनि डा गौतमले आग्रह गरेका छन् । उनले सामान किनमेल गर्न जाँदा वा कसैलाई भेट्दा कम्तीमा दुई मिटरको दुरी राख्न पनि अपिल गरेका छन् । जथाभावी नथुक्न र बाहिरवाट आएपछि वा केही वस्तु छोएपछि कम्तिीमा २० सेकेण्ड साबुन पानीले हात धुन पनि आग्रह गरेका छन । स्वास्थ्य सुरक्षाका अभ्यासहरुसँगै अति आवश्यक काम नपरी घरबाहिर नजान पनि आग्रह गरेको छ ।

प्रवक्ता डा। गौतमले भनेका छन्, “घरमा पाहुना नबोलाऔं र पाहुना बन्न पनि नजाऔं । यदि कोरोना संक्रमित स्थानबाट आउनु भएको छ वा विदेशबाट आउनुभएको छ भने अवश्य १४ दिनसम्म सरकारले बनाएको मापदण्ड पालना गरी क्वारेन्टिनमा बसौँ ।”

प्रतिकृया दिनुहोस्