Thursday, October 29

संक्रमितको निधन भएपछि एम्बुलेन्स छोडेर भागे स्वास्थ्यकर्मी, श्रीमती घण्टौं सम्म एम्बुलेन्समा एक्लै बसिन्

August 8, 2020 75

काठमाडौं । चीनवाट फैलिएको कोरोना अहिले विश्वव्यापी भएको छ । एसियामा सबैभन्दा बढी कोरोना संक्रमित हुनेमा भारत एक नम्बरमा छ । विश्वमै ३ नम्बरमा रहेको भारतमा कोरोना संक्रमितको संख्या डरलाग्दो गरी बढेको छ । यस्तो अवस्थामा स्वास्थ्यकर्मीहरु पनि त्रा समा काम गरिरहेका छन् ।

यसैबीच भारतको बिहारस्थित सुपौलमा उपचारको लागि लैजानेक्रममा एक कोरोना संक्रमितको निधन भएपछि स्वास्थ्यकर्मीहरु एम्बुलेन्स छोडेर भागेका छन् । उपचारका क्रममा एम्बुलेन्समा अस्पताल लैजादै गर्दा संक्रमितको निधन भएको हो । एम्बुलेन्समै संक्रमितको निधन भएपछि एम्बुलेन्स चालक र स्वास्थ्यकर्मी एम्बुलेन्स छोडेर हिडेका हुन् ।

कोरोना संक्रमितको उपचारका लागि अस्पताल लाने क्रममा बाटोमै निधन भएको थियो । त्यहाँ रहेका सबै स्वास्थ्यकर्मी संक्रमितको निधन भएपछि भागेका भारतीय सञ्चारमाध्यमहरुले बताएका छन् । संक्रमितको निधन पछि पनि एम्बुलेन्समा उनकी श्रीमती भने बसिरहेकी थिइन् । तर उनलाई सोध्न वा सहयोग गर्न कोहि पनि गएनन् ।

कोरोना संक्रमितको निधन पछि पनि घण्टौँसम्म त्यहाँ कोहि मानिस सहयोगका लागि नआएको भारतीय संचार माध्यले जनएका छन् । परिक्षण पछि उनको श्रीमतीमा पनि कोरोना पुष्टि भएको छ । उनलाई अस्पताल नलगेर होम क्वारेन्टिनमा राखिएको छ । भारतको अस्पताल पनि संक्रमितले भरिएका छन् । स्वास्थ्य समस्या आएपछि मात्र संक्रमितलाई अस्पताल लगिन थालिएको छ ।

कोरोनाका कारण भारतमा अहिलेसम्म ३७ हजार ४१५ जनाको निधन भएको छ भने १७ लाख ५४ हजार ११७ जनामा कोरोना पुष्टि भएको छ । त्यहाँ ५ लाख ६८ हजार ५९९ जना उपचाररत छन् ।

प्रतिकृया दिनुहोस्