Thursday, November 26

खानामा किरा भेटिएको भन्दै संक्रमितद्वारा आइसोलेशनका स्वास्थ्यकर्मीलाई आ,क्र,मण

August 7, 2020 130

सप्तरी, राजविराज । खानामा किरा देखिएको विषयमा उत्पन्न विवादले उग्र रुप लिएपछि यहाँस्थित साईकृष्णा मेडिकल कलेजमा संचालित आइसोलेशन कक्षमा संक्रमितहरुले तो,डफो,ड गर्नुका साथै खाना बहिष्कार गरेका छन् ।

सोही क्रममा संक्रमितहरुले आफूहरुमाथी दु,व्र्यबहार गरेको भन्दै आइसोलेशनमा खटिएका स्वास्थ्यकर्मी तथा कर्मचारीहरुले सेवा ब,हिष्कार गरि आइसोलेशन छाडेका छन् ।

तनाव बढ्दै गएपछि अहिले आइसोलेशन स्थलमा सुर,क्षाका लागि भिम दल गणबाट नेपाली सेनाको एक टोली परिचालन गरिएको छ ।

घटना बिबरण अनुसार बिहीबार बिहानको खाना खाँदै गर्दा एक संक्रमितको खानामा किरा देखिएको थियो । संक्रमितले किरा भएको खाना खान दिएको भन्दै खाना फ्याकेका थिए । त्यसपछि व्यवस्थापन पक्षले अर्को खाना पकाएर दिएका थिए । तर, आक्रोसित संक्रमितहरुले सो खाना पनि फ्याक्नुका साथै भाडाकुडा, टेबुल, कुर्सी र टेन्ट तोडफोड सुरु गरे ।

सम्झाउन पुगेका कर्मचारी तथा स्वास्थ्यकर्मीमाथी समेत संक्रमितले आक्रमण गर्न थालेपछि आइसोलेशनमा खटिएका सबै स्वास्थ्यकर्मी र कर्मचारी भागेर आफ्नो सम्पर्कमा आईपुगेको गजेन्द्र नारायण सिंह अस्पतालका प्रमुख डा. रन्जित झाले जानकारी दिएका छन् ।

यसअघि पनि केही संक्रमितले त्यहा खटिएका कर्मचारी तथा स्वास्थ्यकर्मीमाथी दुव्र्यबहार गर्ने गरेको सुनाउँदै डा. झाले त्यस्ता उच्छृखंल कार्यमा संलग्न व्यक्तिलाई कारवाही तथा अन्यत्र नसारेसम्म कर्मचारी र स्वास्थ्यकर्मी काममा नफर्किने अडान लिएको बताए ।

केही संक्रमितले चार दिन अघि पनि आइसोलेशन कक्षमा निगरानीका लागि जडान गरिएको १० मध्ये ३ वडा सिसि क्यामरा फुटाइदिएको बताउँदै उनले यस बारे प्रमुख जिल्ला अधिकारी तथा अन्य निकायमा जानकारी गराइसकिएको बताएका छन् ।

यसैबीच स्थानिय प्रशासनको पहलमा स्वास्थ्यकर्मीहरु आइसोलेशनमा फर्किएका छन् । होहल्ला गर्ने व्यक्तिको उचित व्यवस्थापन गर्ने प्रशासनको प्रतिबद्धतापछि स्वास्थ्यकर्मीहरु काममा फर्केको गजेन्द्र नारायण सिंह अस्पतालका प्रमुख झाले जानकारी दिएका छन् ।

यता सोही आइसोलेशनमा स्वास्थ्य सेवाका लागि खटिएका चार जना स्वास्थ्यकर्मी कोरोना संक्रमित भएका छन् । डा. झाका अनुसार संक्रमितको उपचारमा सो आइसोलेशन वार्डमा खटेका चार जनाको बिहीबार प्राप्त पिसिआर परिक्षण रिपोर्टले कोरोना पोजेटिभ भएको पुष्टि भएको छ । चारैजना स्वास्थ्यकर्मीलाई छुट्टै आइसोलेशन कक्षमा राखिएको उनले जानकारी दिए ।-राजधानी।

प्रतिकृया दिनुहोस्