बिहिबार १६ मंसिर २०७८

काठमाडौ । नुवाकोटका दुई महिला भारतको नयाँ दिल्लीमा कोठी सञ्चालन गर्ने र महिलालाई बेचबिखन गरेको अभियोगमा पक्राउ परेका छन् । उनीहरुले दिल्लीमा कोठी संचालन गरेर नेपाली युवतीहरुलाई लैजाने गरेको बताइएको छ ।

मानव बेचबिखन अ प रा ध मा संलग्न रही फरार रहेकी उनलाई नुवाकोट प्रहरीको सहयोगमा मानव बेचविखन अनुसन्धान ब्युरोले पक्राउ गरेको हो। नुवाकोटको दुप्चेश्वर नगरपालिका २ की ६२ वर्षीया चमेली र सीता तामाङ भन्ने रुकमाया तामाङलाई प्रहरीले पक्राउ गरेको हो । उनले नयाँ दिल्लीस्थित जीबी रोड ५६ नं गल्लीमा कोठी सञ्चालन गर्दै आएकी थिइन्।

जिल्ला प्रहरी कार्यालय नुवाकोटको सहयोगमा विदुर नगरपालिकाबाट पक्राउ परेकी तामाङलाई जिल्ला अदालत काठमाडौंबाट ७ दिन म्याद लिई अनुसन्धान भइरहेको ब्युरोका डीएसपी ढुण्डिराज नेउपानेले बताए।

रुकमायाकी सहयोगीले चितवनमा चिनजानको मानिसको घरमा काम लगाइदिन्छु भन्दै युवती फकाउने गरेकी थिइन् । उनले त्यसरी आफ्नो कुरा विश्वास गर्ने युवतीहरुलाई काठमाडौं ल्याएर भारत लैजान्थिन्। काठमाडौंको कलंकीबाट बसमा चढाई लैजाने क्रममा पानीमा बे हो स हुने औ ष धि मिसाएर खुवाएको भन्दै उनीविरुद्ध जाहेरी परेको थियो।

भारतको नयाँदिल्ली लगेपछि रुकमायाले सञ्चालन गरेको कोठीमा लगी बिक्री गरेको पाइएको थियो। रुकमाया विरुद्ध उजुरी परेपछि प्रहरीले अनुसन्धान थालेको थियो । यी घटनामा संलग्न रहेका अन्य प्रतिवादीहरुको खोजतलास भइरहेको प्रहरीले जनाएको छ।

१५७ पटक हेरिएको

तपाईको प्रतिक्रिया