Wednesday, October 21

सुशान्त सिंहकी बहिनी श्वेता सिंहले प्रधानमन्त्री नरेन्द्र मोदीसँग आफ्नो दाइको न्यायका लागि हारगुहार गरेकी छन्

August 1, 2020 60

बलिउड अभिनेता सुशान्त सिंह राजपुतकी बहिनी श्वेता सिंह कृतिले भारतका प्रधानमन्त्री नरेन्द्र मोदीसँग आफ्नो दाइको न्यायका लागि हारगुहार गरेकी छन् ।

श्वेताले प्रधानमन्त्री मोदीलाई ट्याग गर्दै यसका लागि ट्विटमार्फत आग्रह गरेकी हुन् ।

यो पनि पढ्नुहोस्

सुशान्त सिंह राजपुतले गरे आत्महत्या

श्वेताले #JusticeForSushant र #SatyamevaJayate ह्यासट्यागका साथ प्रधानमन्त्री मोदीलाई ट्याग गरिएको ट्विटमा भनिएको छ, ‘म सुशान्त सिंह राजपुतकी बहिनी हुँ र म हजुरको मेरो दाइसम्बन्धी घटनाप्रति तुरुन्त ध्यान दिन हुन अपिल गर्छु । मलाई भारतको न्याय व्यवस्थाप्रति विश्वास छ र कुनै पनि हालतमा न्याय प्राप्त हुनेमा आशावादी छु ।

यो पनि पढ्नुहोस्

‘कुन दबाबका कारण सुशान्त सिंहले आत्महत्या गरे ?’

उनले अगाडि लेखेकी छन्, ‘डियर सर, मेरो मनले भन्छ कि तपाईं सत्यलाई साथ दिनुहुन्छ । म एकदमै साधारण परिवारको मानिस हुँ । मेरा दाइ जतिबेला बलिउडनमा हुनुहुन्थ्यो, उहाँको कोही गडफादर थिएन र अहिले पनि छैन । म हजुरसँग अपिल गर्न चाहन्छु कि हजुरले यस मामिला (सुशान्तको आत्महत्या) मा तुरुन्त ध्यान दिनुहुनेछ । हजुरले यो घटनाको सत्यतथ्य बाहिर आउने गरी निष्पक्ष छानबिनको सुनिश्चित गर्नुहुनेछ भन्ने लागेको छ । मलाई सत्यको जित हुनेमा विश्वास छ ।’

Source Kantipur online

 

 

प्रतिकृया दिनुहोस्