सोमबार १३ मंसिर २०७८

काठमाडौं । नेपाल कम्युनिस्ट पार्टी (नेकपा) प्रचण्ड–माधव पक्षकी सांसद गंगा चौधरीले प्रधानमन्त्री केपी ओली समूहबाट भएको गलत प्रचार–प्रसारप्रति आपत्ति जनाएकी छिन् ।

चरित्र ह त्या गर्ने गरेर समाचार आएको भन्दै सांसद चौधरीले आक्रोश पोखेकी छिन् । उनले आफू प्रचण्ड–माधव समूहको नेकपामा रहेको र रहिरहने बताएकी छन् । उनले भनिन् ‘आफ्नै पार्टीको दुईतिहाइ बहुमत हुँदाहुँदै प्रतिनिधि सभा भङ्ग गरेर राजनीतिक अस्थिरता मच्चाउनेहरूलाई मेरो साथ रहँदैन ।’

ओली निकट मानिने एक अनलाइनले आफूलाई प्रचण्ड–माधव समूहले बबरमहलको एउटा होटेलमा नियन्त्रणमा राखेको र पाँच करोडमा मोलमोलाइ गरेको भनेर आएको समाचारको चौधरीले खण्डन गरेकी छन् ।

‘कसैले पनि लगेर होटेलमा राखेको छैन । सांसद पदको गरिमामाथि आँच आउने कुनै पनि कार्यहरू भएका छैनन् । मेराविरुद्ध गलत प्रचारहरू गरिएको छ’, उनले भनिन् ।

`दुई तिहाई बहुमत हुँदाहँुदै पनि कुनै छलफल नै नगरी संसद भंग गरिदिने र अदालतले यो काम गलत भयो,यस्तो गर्न पाइन्न भनेर संसद पुर्नस्थपना गरेपछि फेरि म मेरो प्रधानमन्त्री केपि ओलिनै हो भनेर कसरी भन्न सक्छु?मैले मेरो नैतिकता त छोड्न भएन नि!तसर्थ यदि अबिश्वास प्रस्ताव दर्ता भयो भने म प्रचण्ड -माधब रहेको बहुमत सदस्य रहेको आधिकारिक नेकपाको तर्फबाट अबिश्वासको पक्षमा नै मतदान गर्छु।´उनले भनिन् ।

pathivarapost

१०८ पटक हेरिएको

तपाईको प्रतिक्रिया