Tuesday, December 1

कोरोना भाइरस विरुद्धको भ्याक्सिनमा बेलायत अक्सफोर्ड विश्वविद्यालयको ठूलो सफलता

July 21, 2020 213
कोरोना भाइरसको भ्याक्सिनमा बेलायतको अक्सफोर्ड विश्वविद्यालयले ठूलो सफलता मिलेको बताएको छ। बीबीसीका अनुसार कोरोना भाइरसविरुद्ध अक्सफोर्ड युनिभर्सिटीले विकास गरेको खोप सुरक्षित रहेको तथा प्रतिरोधी क्षमतालाई सक्रिय तुल्याउन सक्ने देखिएको छ। विश्वविद्यालयले मानिसमा गरेको परीक्षणमा भ्याक्सिनले भारसविरुद्ध लड्ने क्षमता विकास गरेको पाइएको बताएको छ।

एक हजार ७७ जनामा भएको उक्त परीक्षणमा भ्याक्सिन लगाएकाहरूको शरीरले कोरोनाभाइरसविरुद्ध लड्न सक्ने एन्टीबडी बनाउन सकेको थिए।

कोरोना भाइरसका विरुद्ध विश्वभर भ्याक्सिन बनाउने काममा यो ठूलो उपलब्धी भएको भन्न गलत नहुने बीबीसले उल्लेख गरेको छ। तर यसले पूर्णरुपमा कोरोना संक्रमण रोक्छ भन्न हतार हुने छ। यसको सफलताको परीक्षणको लागि ठूलो मात्रामा मानिसहरुमा परीक्षण गर्नु पर्ने हुन्छ। बेलायत सरकारले यस भ्याक्सिनको १० करोड डोज अर्डर गरेको छ।

यो भ्याक्सिनको नाम ChAdOx1 nCoV-19 राखिएको छ। उक्त भ्याक्सिन चिम्पान्जीहरूमा रूघाखोकी लाग्नमा जिम्मेवार एक भाइरसलाई आनुवंशिक सुधार गरेर तयार पारिएको हो।

source Nagarik News

 

 

 

 

प्रकाशित: ५ श्रावण २०७७ २२:३८ सोमबार

 खुशी 87.5 %
 दुखी 0 %
 अचम्मित 0 %
 हास्यास्पद 0 %
 क्रोधित 12.5 %
अर्को समाचार
स्वास्थ्य

अक्सफोर्डले बनाएको कोरोना भ्याक्सिन सुरक्षित

बेलायतको अक्सफोर्ड विश्वविद्यालयले बनाएको कोरोनो भाइरसविरुद्धको भ्याक्सिन सुरक्षित र प्रतिरक्षा प्रणालीलाई मजबुत पार्ने खालको देखिएको छ।

एक हजार ७७ जनामा परीक्षण गरिएको सो भ्याक्सिनले भाइरसविरुद्ध ‘एन्टीबोडी’ निर्माण र रोगसँग लडने ‘टी–सेल’ बनाउन सहयोग गरेको पाइएको बिबिसीले जनाएको छ। यो परीक्षणको निष्कर्ष आशाजनक रहेको तर यसले भाइरसबाट पूर्ण रूपमा सुरक्षित पार्न सक्ने वा नसक्नेबारे भने थप बृहत् परीक्षण आवश्यक रहेको बताइएको छ। बेलायत १० करोड भ्याक्सिनको डोज निर्माणका लागि अर्डर दिइसकेको बिबिसीले जनाएको छ। चिम्पान्जीलाई रुघाखोकी लगाउन जिम्मेवार रहेको तथा अनुवांशिक रूपमा ‘इन्जिनियर्ड’ गरिएको भाइरसबाट यो भ्याक्सिन बनाइएको पनि बिबिसीले जनाएको छ। यसलाई बृहत् रूपमा परिमार्जित गरिएको, मानिसलाई संक्रमण नगर्ने र कोरोना भाइरसजस्तै देखिने बनाइएको बताइएको छ। यो भ्याक्सिन सुरक्षित भएको तर केही साइड इफेक्ट रहेको बताइएको छ। तर परीक्षण गरिएकामध्ये ७० प्रतिशत मानिसलाई ज्वरो आउने अथवा टाउको दुख्ने लक्षण देखिएको छ। तर, अनुसन्धानकर्ताले सामान्य सिटामोलको सेवनले यो साइड इफेक्टको असर नियन्त्रण गर्न सकिने बताएका छन्।

विश्वविद्यालयका प्राध्यापक सराह गिलवर्टले प्रारम्भिक नतिजा अत्यन्त उत्साहजनक रहेको बताइन्। आगामी चरणमा थप १० हजारजनामा यो भ्याक्सिनको परीक्षण गरिने तयारी रहेको बताइएको छ।

प्रतिकृया दिनुहोस्