Wednesday, October 21

कोशी राजमार्ग अबरुद्ध,भारी वर्षाका कारण पहिरोले धनकुटामा पाँच परिवार विस्थापित

July 21, 2020 148

भारी वर्षाका कारण धनकुटा जिल्लाका विभिन्न स्थानका बस्ती जोखिम परेका छन् भने केहीँ परिवार बिस्थापितका भएका छन्  । पहिरोले महालक्ष्मी नगरपालिका–५ लेगुवाका तीन घर र धनकुटा नगरपालिका–१ हिलेका दुई घर बिस्तापित भएका हुन ।

धनकुटा नगरपालिका–१ हिलेका डिल्ली घिमिरे र तेजबहादुर पौडेलको परिवार बिस्तापित भएको धनकुटाका प्रहरी प्रमुख गोविन्द अधिकारीले बताए ।  त्यस्तै महालक्ष्मी नगरपालिका–५ लेगुवाका दिपक भण्डारी, जितेन श्रेष्ठ र ब्रह्मध्वज राईको परिवार पहिरोले विस्थापित भएका छन् ।

साँगुरीगढी गाउँपालिका–७ लेउती र गर्जुवा खोलामा आएको बाढीले नौ घरपरिवारको बस्ती उच्च जोखिममा परेको छ । गर्जुवा खोलामा माटो सहित आएको बाढीले  कोशी राजमार्ग अन्तर्गत धरान–धनकुटा सडकखण्ड अबरुद्ध भएको छ । बाढीले धरानबाट धनकुटा आउँदै गरेको धनकुटा नगरपालिकाको को१झ ५८४ नम्बरको गाडी पुरेको छ । सडक डिभिजन कार्याललयको डोजरको प्रयोग गरेर गाडी निकालिएको धनकुटा नगरपालिकाका कार्यक्रम संयोजक सिताराम गौतमले बताए ।

Source Nagarik News

प्रतिकृया दिनुहोस्