शुक्रबार ०१ आश्विन २०७८

चन्डीगढमा विपन्न समुदायका एक व्यक्तिले आफ्नी ११ वर्षीय छोरीको शव आफ्नो काँधमा उठाएर जालन्धर शहरस्थित कब्रगाह लगेका छन् । उनी बालिकाको कोभिड १९ का कारण मृत्यु भएको थियो ।

दिलिप नामका यी व्यक्तिका अनुसार अघिल्लो आइतबार उनकी छोरीको मृत्यु भएको थियो । यो भिडियो गत सोमबारको हो, जतिबेला उनी चिहान खोज्दै हिँडेका थिए । उनले भने, ‘ म एक गरिब व्यक्ति हुँ । कोही पनि छोरीको दाहसंस्कारका लागि मलाई सहयोग गर्न अघि सरेनन् । त्यसैले मैले काँधमै उसको शव बोकेर लैजाने फैसला लिएँ ।

उनले भने, ‘मेरी छोरीको अमृतसरमा उपचार चलिरहेको थियो । उनको मृत्युपछि शवलाई कपडामा बेरेर मलाई जिम्मा लगाइयो । मैले यहाँ शवलाई (जालन्धर) मा दाह संस्कारका लागि ल्याए । एक व्यक्तिले मलाई १ हजार रुपैयाँ दिए, त्यसैबाट अन्तिम संस्कार गरें ।’

यस अघि हिमान्चल प्रदेशमा काँधमा आमाको शव बोकेर दाहसंस्कारका लागि लैजादै गरेका एक व्यक्तिको भिडियो भाइरल भएको थियो । यी वृद्धाको पनि कोभिड १९ कै कारण मृत्यु भएको थियो । शव बोकेर लैजाने यी व्यक्ति कांगडा जिल्लाको धर्मशालादेखि लगभग ३० किलोमिटर टाढा रानीताल शहर नजिकको भंगवार गाउँका थिए ।

यो पनि:

काठमाडौँ, जेठ ०२ । नेपाली मोडल तथा नायक पल शाह यतिबेला कोरोना महामारीससंग जुधिरहेका मानिसहरुको लागि अक्सिजन सिलिन्डर खोजेर वितरण गर्न व्यस्त छन्। कोरोनाको दोस्रो लहरले नेपाल पनि अछुत नरहेपछि देशभरका अधिकांश जिल्लामा लकडाउन भएको थियो ।

लकडाउन भएसंगै नायक पल शाह र उनका टिम दिनरात नभनी नेपालका थुप्रै जिल्लामा अक्सिजन वितरणमा लागि परेका छन् । अहिले उनि बारा जिल्लाको जितपुरमा छन्।

त्यस्तै कोरोनाको कारण हरेक दिन थुप्रै मानिसको निधन भएको छ । थुप्रै कोरोना संक्रमितले अक्सिजनको हाहाकारले ज्यान गुमाईरहदा नेपाल सरकारले भने संक्रमितको शव जलाउने कर्मचारीलाई १ हजार प्रोत्साहन भत्ता दिने निर्णय गरेपछि नायक पल शाह आक्रोशित भएका छन्। यो निर्णय पर्यटनमन्त्री भानुभक्त ढकालले गरेका हुन्।

अक्सिजन वितरणमा दिनरात नभनी लागिपरेका पलले सामाजिक संजालमा आक्रोशित हुदै लेखेका छन्, “सरकारले ४०० रुपैयाको अक्सिजन दिन छोडेर जनता तिमी मर, म तिम्रो लाश जलाउनको लागी १००० रुपैयाँ थप भत्ता दिनेछु… !! वाह सरकार तिम्रो नियत !!

सन्दर्भ : आज सरकारले ४०० रुपैयाको अक्सिजन नपाएर म्रुत्यु भएका लाश जलाउनेलाई थप १००० रुपैया भत्ता दिने बारे .. (कोभिडको कारणले मृत्यु हुने सम्पूर्ण आमा बुवा, दाजुभाई, दिदीबहिनी प्रती भावपूर्ण श्रदान्जली !! मृतकका आफन्त प्रती भागवानले धैर्य धारण गर्ने शक्ती प्रदान गरुन !!)”

१५३ पटक हेरिएको

तपाईको प्रतिक्रिया